Historia
Gure historia
Nondik gatoz?
Jasota dago Anakako Konpainiak dagoeneko parte hartu zuela 1881eko Alardean, Irungo bost auzo historikoetako konpainiek bezala, baina 1929an hasiko da Anakako Konpainia etenik gabe desfilatzen, 1937 eta 1938 urteetan izan ezik, Gerra Zibila dela eta Alardea ez baitzen ospatu, baita 1939an, Konpainiak ez baitzuen parte hartu.
Auzoko mugak zabalagoak badira ere, konpainiarenak Soroxarta, Urdanibia-Berri, Puiana eta, nola ez, Anaka ingurua dira.
Nahiz eta hasieran Alardeko lehenengo formazioetan desfilatzen zuen lehenengo konpainietako bat izan, gaur egun, infanteriako konpainietako zortzigarren postua hartzen du, Ama Shantalenen atzetik eta Buenos Amigos konpainiaren aurretik.
Anaka eta Jaizubia
Anakako konpainiak harreman estua mantentzen du Hondarribiko Alardeko Jaizubia Konpainiarekin.
Hainbeste, non urte askotan lagundu dioten elkarri, 1978 arte partekatu baitzituzten kantineraren jantzia eta kapitainaren sablea.
Bai batak bai besteak elkarri errefortzuak eskatu izan dizkiote, alardeetan desfilatzeko eskatzen zen soldadu-kopuru gutxienekora iristeko.
Gehiago ezagutu harreman honetaz
(Argazkia: Anakako soldaduak Hondarribiko Alardean Jaizubia Konpainian desfilatuz)
Anakako Diana
Anakak bere Diana propioa du, Joxe Mari Irastorzak konposatua, eta ekainaren 30ean jotzen da goizaldean auzoan, kapitainaren eta kantineraren etxeen aurrean eta Peña-Enea baserrian, han biltzen baita Konpainia.
Tenienteak kapitainari berriak ematen dizkionean eta konpainiaren zati handiena Peña-Enean bildu ondoren, Urdanibia plazako elkarretaratzera joaten da, gainerako konpainiekin eta parte-hartze mugatuko unitateekin biltzera.
Partaideak
Azken urteetan, 300 eta 350 soldadu ingururekin formatu du Anaka Konpainiak.
125 urte
125. urteurrena dela eta (1881-2006), San Martzial Alardeko Jeneralak, Satur Ibargoyen, gorbata bat jarri zion Konpainiako banderinari 2006ko Armen Ikustatzean.
Harrezkero, banderinak Anaka Konpainiako historia gogoratzen duen bereizgarri hori eramaten du.
Urte horretan, giro ezinhobean, bazkari bat antolatu zen, Urdanibia Hotelean ospatuz. Aurrera eraman ziren hainbat ekitaldiren amaiera izan zen (Eguneko argazki galeria ikusteko hemen
klik egin)
"Anaka Konpainia 2006. urtean kapitain bezala ordezkatzea, 125. urteurrenean, oso berezia eta hunkigarria izan zen. Historia asko daukagu eta horretaz harro gaude"
Iñaki Arruabarrena, Anakako kapitaina (2003-2010)
"Harrotasun handia izan zen nire konpainiaren ondoan desfilatzea eta danborren erritmoan oinak bere kasa dabiltzan bitartean gorputz osoan barrena dabiltzan emozio, urduritasun eta alaitasun tximeleta horiek sentitzea"
Nerea Ugarte, 1993ko Anaka konpainiaren kantinera